蘇打綠小巨蛋拉開世巡序幕 團員真情告白令青峰感觸爆喊

台灣樂團 蘇打綠 出道20年世界巡迴演唱會喺台北小巨蛋揭開序幕，一連兩場演出座無虛席，唔止觀眾聽得開心，蘇打綠都表演得非常享受！ 蘇打綠經歷同前經理人官司，相隔9年終於可以用返「蘇打綠」呢個團名演出，成員開心之餘其實都有好大感觸。

蘇打綠經歷完之前嘅官司，終於可以重用團名再踏舞台

Keyboard手阿龔就同主音青峰、鼓手小威講：「謝謝你們，寫了這麼多好聽的歌曲，讓我可以彈這麼好聽的鋼琴。」呢段真情告白令青峰泣不成聲。青峰冷靜後幽默表示，自己其實冇咁鍾意喊，只係自己每次都喺台上喊，每次都揀喺聚光燈下喊，所以係「CP值很高的淚水」，佢又喺台上搞笑同團員互動，令大家都笑得好開心。 

青峰再淚灑舞台之後，又笑稱自己嘅眼淚夠晒CP值

楊謹華、王心凌、S.H.E三位成員都係演唱會嘅座上客，S.H.E更喺點歌環節點返自己嘅歌《十七》，出名眼淺嘅Selina都忍唔住爆喊。而S.H.E嘅歌迷就好開心S.H.E可以因為睇騷而有公開小合體，以及多謝蘇打綠唱S.H.E嘅歌。

楊謹華、王心凌同S.H.E都係呢晚座上客