李俊昊不顧腳傷賣力唱跳 盼休息日可抱愛貓度過

韓團2PM成員李俊昊因為大熱劇《衣袖紅鑲邊》，成功從偶像轉型做韓劇小生，呢日佢去到台北舉行兩場粉絲演唱會，雖然佢上月左腳受傷導致韌帶撕裂，而家仲係康復中，但係佢呢日並冇撐住拐杖上台，敬業嘅佢仲照樣唱跳，完全睇唔出佢曾受傷。

李俊昊喺台灣舉行兩場粉絲見面會
演唱會上李俊昊獻唱娛樂公司老闆JYP嘅金曲，被歌迷大讚性感，而佢自己亦相當滿意呢次演出，畀自己滿分呀。

雖然佢早前腳傷未癒，不過演出時仍繼續落力演出

雖然腳傷未痊愈，但李俊昊就未有停工，依行程遊走世界各地出席見面會，面對密密麻麻嘅行程，李俊昊就話每一日都好感恩，佢又話如果真係有一日空閒時間嘅話，身為貓奴嘅佢就話希望可以抱住愛貓度過。

呢日又透露將繼續到各地同Fans見面