王菀之入行20年再登紅館 驚喜「合體」張敬軒合唱泣不成聲

王菀之 紀念入行20週年，睽違11年於紅館舉行《合體 – 王菀之演唱會2025》。唔止再次同 張敬軒 「合體」，更吸引大批圈中人捧場，好似甚少睇騷嘅 劉德華 謝安琪 張繼聰 Gin Lee等都有到場支持。

劉德華罕有親身捧場為Ivana打氣
Ivana於演出一開始，就聲明呢次並非一般演唱會，整個團隊都希望創造一個非一般紅館演出，佢一開口演唱就已全場起身跟隨Ivana投入音樂世界，佢仲一口氣連唱11首歌，包括《好時辰》、《水百合》、《波點女王》、《畫意》、《我來自火星》等。
Ivana一開場就連唱11首歌

到第二部份，Ivana再次一口氣唱足11首歌，當中包括自彈自唱，又單獨跳現代舞，完成共22首歌之後，先同觀眾打招呼，「我唱得咁落力，其實都可以唞少少囉...」，不過飲水準潤喉時就不慎濁親，非常搞笑：「養生咁耐竟然係飲水濁親....唔凍唔熱係容易濁親，唔係40歲以上先係咁...」
期間亦不改佢一貫可愛本色

入行屆20年嘅Ivana之後又話： 「我想話，冇你地每一個支持，我又點能開到紅館演唱會呢？你哋嘅支持係令我最感動，我代表我哋成個精英雲集嘅團隊，多謝大家。我哋成個團隊都係有夢想嘅人，為夢想努力奮鬥。多謝大家揀咗(觀眾)人生寶貴嘅3小時，係呢度同我哋一齊合體，我係呢度祝福大家，全年大吉行好運，你哋睇我緊張到隻手係咁黏著條裙...係時侯唱一首，好早好早嘅歌送比大家， 繼而唱出成名作《我真的受傷了》。
又為歌迷自彈自唱

到演出第三部份，舞台擺有兩張對坐椅子，Ivana嘅「靈魂伴侶」張敬軒登場，當《下次愛你》音樂響起時，Ivana已經忍唔住落淚，當年一齊成長嘅軒仔亦跟住缺堤。雖然兩人久違合作只有歌聲，但就為大家帶來驚天地泣鬼神喊住唱嘅合唱版《下次愛你》，唔少觀眾亦被感動得熱淚盈眶。唱畢兩人互相擁抱，繼而軒仔吻了Ivana一下先離開。
整晚高潮一定係同張敬軒同台合唱

今次演出Ivana並未準備Encore環節，不過最後一首歌《小俠》結束後，觀眾唔止不停狂叫，完場後亦不肯離開，於台下狂叫Encore，5分鐘後後Ivana不忍心再次現身話：「多謝你地，我有少少驚，好多謝你哋咁熱烈同鼓勵我出返嚟， 我帶電話係驚唔記得歌詞，我成日覺得encore要係真嘅，如果冇人嗌就唔好出嚟，所以冇預就冇準備定啦。」
兩人更相擁落淚

最後Iivana自彈自唱《面俱》：「二十年冇唱，哈哈，對上個次唱係出道個陣，我真係心少少緊張，上網搵歌詞先，如果有少少甩漏，都希望你哋接收呢份禮物 。」