GOT7珍榮感恩退伍後有劇在手 與盧正義多年後合作感嘆認老

韓國男團GOT7成員珍榮同人氣小花盧正義合作新劇，日前更聯同劇組一齊現身新劇發布會。珍榮繼GOT7全員合體出新歌回歸樂壇後，重返演員工作，而呢套劇更係佢退伍後首部播出作品。

珍榮退伍後已經重投演藝工作，呢日亦同一眾拍檔宣傳新劇
珍榮就話劇集係喺兩年前拍攝，當時自己要入伍，所以嗰陣有負擔感。但眨眼兩年過去，自己重返工作後，已經有待播劇集在手，令佢由緊張變成幸福喇！ 

劇集雖然拍畢一段時間，不過一退伍就有新作推出，就令珍榮非常感恩喇

珍榮同盧正義12年前曾合作拍偶像劇，呢次可以多年後再合作令佢好開心。二人當年合作時，盧正義仲係童星身份，而家已經咁大個，珍榮唔想認老都唔得，佢仲話自己心態其實同當年一樣，都係只有19歲咋。

珍榮仲提到12年前已曾同係童星嘅盧正義合作，呢日仲搞笑話自己同當年一樣，仍然當自己19歲呀