Tyson Yoshi年內迎娶未婚妻 婚事大小交準新娘全權決定

年內就會同女友成婚嘅 Tyson Yoshi 早前搬入半山超級豪宅，同阿Sa成為鄰居之餘，更指已經做好準備做人父，呢日佢出席自家品牌嘅活動時，就提到婚事嘅進度，全權由未婚妻負責，自己只係負責訂好心中嘅夢想婚車咁話。

Tyson Yoshi呢日出席自家品牌活動，仲指婚事全交由未婚妻負責
佢又提到將會飛往歐洲度蜜月，身為愛車之人嘅佢，早前亦送新車予未婚妻，不過講到會唔會要對方載自己一齊遊車河，佢就帶笑話寧願一人揸一架車出門，享受駕駛嘅自由自在感覺喇。
而佢今年結婚之餘仲非常忙碌，既要出新碟亦要籌備演唱會

雖然話今年就會成婚，不過工作就同步繼續，好似下月初就會推出新碟，之後緊接就要準備演唱會，婚禮後更加要準備台灣演出，真係完全冇得停呀。