新片首映Stephy大方祝賀舊愛新婚 華哥龔姐勸觀眾入場學兩代溝通

曾同 方力申 相戀多年嘅 鄧麗欣 ，呢日參與佢主演嘅新片首映，亦係自小方宣佈結婚後首次公開現身，Stephy更大方向舊愛送祝福，恭賀一對新人幸福開心，而佢同一眾朋友都覺得婚訊突然，不過就未有過問當中細節喇。

Stephy祝福方力申新婚幸福，又指佢同並同朋友都略感愕然
下月就會開個唱嘅Stephy，除咗要忙住為呢部溫情新片宣傳，亦同步要宣傳新歌同為演唱會排練，佢仲話自己女團出身學習舞步未有太大困難，衣著亦會帶俾大家一定新鮮感同驚喜咁話。
下月展開個唱嘅佢，要同時忙電影宣傳同綵排工作

任達華 同 龔慈恩 於戲中分別扮演Stephy父母，飾演傳統爸爸嘅華哥仲直指自己角色係反面教材，唔止古板又活喺自我中，叫男士千萬唔好學，又希望為人子女都可以入場，了解點同父母溝通呀。

華哥指戲中嘅角色非常古板，係一個反面教材