資深藝人邵卓堯娶圈外女友 好友歐瑞偉充當證婚人簽紙

資深藝人邵卓堯早前與圈外女友於沙田婚姻註冊署簽紙結婚，一眾圈中好友徐榮、鄭世豪、湯俊明、杜大偉、曾慧雲、何偉業、區靄玲、黃梓瑋等都有到賀，KC歐瑞偉更為男方充當證婚人，於一對新人嘅婚書上簽名。
邵卓堯日前與圈外女友結婚。
歐瑞偉將當日拍攝嘅影片放到社交平台，片中湯俊明問眾人呢日現身沙田嘅原因，大家都講出唔同嘅搞笑理由，好似嚟沙田踩單車、食乳鴿、跳舞、夢遊、曬太陽、送貨等，只有邵卓堯話自己係嚟結婚，然後鏡頭一轉就已經係一對新人簽紙嘅畫面，不過為咗保護邵卓堯位圈外太太，片中以「美女」兩字遮住對方嘅面容。
一對新人互相交換戒指。
現年60歲嘅邵卓堯，曾演出過逾百過角色，近年較令觀眾有記憶點嘅角色包括《新聞女王》中嘅淫魔教練馬寶強、《刑警》中最強最兇殘嘅露宿者殘障殺手方耀俊、《法證先鋒III》中嘅鑽石劫匪莫浩良等，同時佢亦曾於《Sunday好戲王》內被頒發「壞蛋王」稱號。
KC做證婚人簽名。曾慧雲區靄玲湯俊明
徐榮黃梓瑋