「賈名媛」邱芷微幸福出嫁 《愛・回家》演員現身送祝福

《愛．回家之開心速遞》嘅「賈名媛」邱芷微出嫁喇！佢同拍拖十年嘅男友陳志忠（Wilson）喺2月28號拉埋天窗，Wilson一早就同羅浩銘、黃健東等組成嘅兄弟團去接新娘。
 早上接新娘
而晚上一對新人喺酒店設宴，新娘子芷微換上一身綠色禮服盡顯優雅，至於新郎哥就著上香檳色禮服，非常有型，二人更接受傳媒要求大方錫錫。《中年好聲音》嘅歌手魏嘉信就以律師身份現身為芷微同Wilson證婚。至於喺《愛．回家》飾演律師嘅K.C歐瑞偉、「賈名媛」死敵「大小姐」林淑敏呢晚都有出席，兩位都為一對新人經歷重重難關後修正成果感到開心，並送上祝福，大小姐更催二人早日添丁！
一對新人晚上換咗另一套衫畀傳媒影相。KC歐瑞偉同大小姐林淑敏。魏嘉信以律師身份為芷微同Wilson證婚。