愛．回家8周年｜大小姐狂數龍家成員出場集數 Chantel慘受委屈丹爺大讚聰明叻女

處境劇《愛．回家之開心速遞》不經不覺原來已經播出8周年，呢日大家齊齊慶祝蛇年開工大吉之餘，亦同步為播出近2500集嘅長壽劇慶祝，而「大小姐」 林淑敏 仲對龍家上下成員幾時正式現身了然於心，逐一講出各位成員現身嘅集數，認真好記性呀。

大小姐記得晒龍家上下各位成員出場嘅集數，認真好記性
而熊家人戲內戲外關係一樣緊密，好似 湯盈盈 就成日記住當年要食 劉丹 踩過嘅月餅，而新近加入嘅Chantel姚焯菲，就被熊家大家長根叔大讚，話佢醒目又聰明可愛，一日之後就有如脫胎換骨，更加非常有禮貌呀。
根叔同盈盈演足多年，當然有唔少回憶

大年初三首次登場嘅表妹Chantel，3月就會更多出現嘅戲份，佢仲因為安仔表哥而受盡委屈，又同朱凌凌有唔少交集，之後仲因為太煩而被熊家嫌棄咁話呀。

Chantel獲丹爺大讚，佢又話好快將會有更多戲份播出