哪吒2｜開畫首日票房急衝650萬 逾9萬多人入場奪多項紀錄

全球累積票房已達132億；成為動畫電影票房首位嘅動漫電影 《哪吒之魔童鬧海》(《哪吒2》)，唔止於世界各地成績突出，星期六正式喺港澳公映，首日票房就高達650多萬，亦成為港澳影史上動畫電影開畫票房以及香港上映嘅內地電影開畫票房冠軍。

《哪吒2》星期六正式公映，瞬即成為多個票房冠軍
《哪吒2》上映首日場次超過800場，各區戲院再現人潮，《哪吒2》唔止日開畫票房高收，入場人次亦達9萬2000多人，更一舉超越《魔雪奇緣2》(2019)及《迷你兵團》(2015)，刷新多項港澳影史記錄。
單日已吸引9萬多觀眾入場，票房收650多萬

發行公司嘅幾位老闆對新作上映就有佳績當然高興，東方影業主席黃百鳴話：「《哪吒之魔童鬧海》榮膺香港影史嘅動畫電影開畫票房冠軍，呢部作品唔止展現中國傳統文化嘅深厚底蘊，仲以現代視角重新詮釋經典故事。期待更多香港觀眾走入戲院，親身體驗呢部優秀作品。」
《哪吒2》罕由四間電影公司聯合發行

而寰亞集團主席林建岳對聯手發行有好成績感到高興：「今次我哋聯同其他公司合作，引入口碑更比第一集更強勁、成績不斷刷新紀錄嘅《哪吒2》，希望會為香港觀眾帶來更多驚喜。」而銀都機構總經理丁凱亦對電影有好成績感到鼓舞：「見到今日票房成績好開心，既令低迷嘅電影票房注入強心針，亦鼓勵到同行同俾大家見到希望，希望越來越多優秀內地電影來港上映，展示香港作為中外文化交流中心嘅獨特魅力。」
5年前《哪吒》首集就曾收逾50億，新作目前全球已收132億

至於英皇集團主席楊受成博士就話：「我覺得非常榮幸，英皇電影能夠成為《哪吒2》港澳地區嘅其一發行商，亦對電影非常有信心，相信《哪吒2》能夠成為全球最高票房五名之內，為國爭光。」