開明爸爸陳豪尊重子女意願 預告為新劇俠醫操肌練大隻

陳豪 陳瀅 朱敏瀚 黃庭鋒 丁子朗 冼靖峰 潘靜文 林智樂 等，呢日齊齊出席一個慈善包場，同100位貧困家庭小朋友以及中風康復者，一齊欣賞最近大熱嘅內地動畫。呢個動畫以古代神話封神榜嘅哪吒為主角，探討唔少親子之間嘅矛盾，作為開明爸爸嘅阿Mo都好認同動畫其中一個中心思想，就係父母應該尊重小朋友嘅意願，因為未來嘅路都係要靠小朋友自己闖。

廿四孝爸爸陳豪睇完《哪吒2》有感而發，認為要尊重小朋友嘅意願同想法
阿Mo近期為即將開拍嘅新劇《俠醫》做準備，劇中飾演中醫嘅阿Mo唔只要學習醫術，估唔到佢仲要練大隻，所以佢呢排已開始密密操練。

近期喺熱播中嘅劇集《痞子無問道》中，陳瀅同朱仔為咗拍喜劇真係冇咩包袱，不過連靚靚仔仔嘅庭鋒都話如果有機會，佢都希望黐到成身毛演孫悟空，庭鋒話自己中學做話劇已試過扮孫悟空，估唔到身邊嘅陳懿德即刻自薦做豬八戒。
朱仔同陳瀅嘅《痞子》爆笑連場，連德德同庭鋒都話希望有機會一齊玩

丁丁、Archie同孔德賢日前齊齊為好友麥美恩（Mayanne）慶祝生日，Mayanne仲晒出比一班小鮮肉包圍住嘅靚相，令大家相當妒忌，原來佢哋仲有送上Birthday Kiss，丁丁話因為當Mayanne係一個好好嘅姐姐，所以呢個生日吻係一定不能少㗎。
日前為老友Mayanne慶祝生日嘅幾位男士，呢日分享當日過程

同係二月壽星嘅Sherman就話今年收到粉絲為佢特製嘅禮物，係一本充滿心思嘅手作簿仔，搞到Sherman邊睇邊喊，感動得不得了呀！

啱啱生日嘅Sherman話唔止成為車主開心，最開心係收到Fans送嘅心思禮物