周嘉洛朱敏瀚遇急才大考驗點應對 被寸經常扮周星馳？chok聲扮萬人迷？

周嘉洛同朱敏瀚喺TVB熱播劇《痞子無間道》表現亮眼，無論騷肌定係搞笑都難唔到佢哋。日前嘉洛同朱仔就喺「搭的士」時接受急才考驗，同時考佢哋EQ！

周嘉洛同朱敏瀚喺TVB熱播劇《痞子無間道》表現亮眼。
首先被考驗嘅係嘉洛，嘉洛上車遇到司機主動搭話，司機仲話自己老婆同屋企隻狗狗都係《痞子無間道》劇迷，又講「我老婆見到你啲腹肌成日心心眼」，嘉洛聞言好開心，又有啲唔好意思咁，嘉洛主動分享自己為準備「費仁」呢個角色而食肥自己，又嫌自己新陳代謝快，瞓醒一覺就打回原形。兩位越傾越開心，點知傾傾下，司機突然講咗句：「你另外個拍檔，第二個男主角演技就要進修一下。」嘉洛好緊張，又為朱仔說話，希望令對方改觀。

嘉洛主動分享自己為準備「費仁」呢個角色而食肥自己。
點知司機話呢位主角經常扮周星馳，呢一刻嘉洛先發現原來自己被誤認係朱敏瀚。尷尬到不得了嘅嘉洛一度未反應到，而司機越講越認真，抨擊嘉洛生得唔靚仔。嘉洛就解釋：「其實周嘉洛除衫係身不由己，而且講嘢唔係刻意扮周星馳。」最後嘉洛「借屎遁」未到目的地就提前落車。

司機越講越認真，抨擊嘉洛生得唔靚仔。
至於朱仔經歷差唔多，當佢聽到司機問係咪同陳瀅拍拖，又指陳瀅最近有張舐冰糖葫蘆嘅潛力圖，朱仔雖然有啲錯愕，不過係用四両撥千斤嘅耍太極方式回應。點知司機就話：「你就爽啦，周嘉洛！」隨後開始吐糟朱仔嘅劇中造型同人設，又嫌棄朱仔chok聲、扮萬人迷。朱仔雖然有為自己講番幾句，但從肢體動作可見佢尷尬到想跳車，所以佢都係揀咗提前落車。

朱仔雖然有啲錯愕，不過係用四両撥千斤嘅耍太極方式回應。朱仔雖然有為自己講番幾句，但從肢體動作可見佢尷尬到想跳車，所以佢都係揀咗提前落車。朱仔被批評喺劇中造型同人設，又嫌棄朱仔chok聲、扮萬人迷。