痞子無間道｜曹永廉舞技一流成公認舞王 周嘉洛接麥美恩棒做危險動作

熱播劇《痞子無間道》劇情搞笑，當中更加插唔少流行元素，而其中一幕青樓開張情節，就有唔少潮流元素融入當中，一眾演員以唔同風格打扮跳舞。不過唔好以為佢地係亂咁跳，實際上大家都跳得好認真，JW王灝兒仲大呷：「好攰呀！」 

《痞子》嘅瘋狂情節不時都令人失笑

喺之前一集，曹永廉欣賞台上美女跳舞時已經手舞足蹈互動，呢集亦繼續冇時停，麥美恩都大讚阿廉魄力十足，腰力好。雖然阿廉就話自己其實由細到大都好怕跳舞，但大家都話佢係全場之中跳得最好，根本佢先係被演戲耽誤嘅舞蹈家，令阿廉都好怕醜。 

一幕青樓開張戲，阿廉仲被大家譽為舞王

人人於舞池忘我共舞

而喺另一場婚宴戲裡面，周嘉洛就需要倒吊飛入場，睇到都覺得危險。好在嘉洛身手敏捷，練咗幾次已經上手。嘉洛亦讚劇組專業，令佢飛得好安全，重要部位都冇受傷。Mayanne仲話其實嘉洛呢次做嘅動作，係佢喺《痞子殿下》時做過，所以呢次嘉洛係接棒肩負重任呀。

另一個場面嘉洛就需要吊威吔演出