痞子無間道NG片丨陳瀅尋金心切狂追周嘉洛 出雙指扣喉再閨房扯褲頭

喜劇《痞子無間道》集集都為觀眾帶嚟爆笑位，一眾演員喺拍攝時更笑料百出，陳瀅喺劇中唔見咗偷返嚟嘅千両黃金，因為懷疑係周嘉洛所為，佢就以手指扣嘉洛喉，陳瀅嘅肉緊樣非常搞笑，另一幕嘉洛要喺褲中抽啲文件出嚟，點知陳瀅急到手快快想扯甩佢褲頭。

陳瀅為咗大批黃金，不惜出手扯嘉洛褲頭
而劇中有唔少對白都會用到古代用語，好似離婚就叫和離，不過JW王灝兒就口快快，喺鏡頭前講咗離婚，佢都即時知道自己講錯用詞。

JW一時口快講錯對白，結果自己都忍唔住笑