痞子無間道｜朱仔帶隊重返母校拜訪 JW學生打扮出現嘉洛自爆屬問題兒童

瘋狂喜劇《痞子無間道》呢日走入校園， 朱敏瀚 就帶埋拍檔 JW王灝兒 同 周嘉洛 返自己母校宣傳，獲得大班同學仔超熱烈歡迎。朱仔仲趁機會走訪充滿唔少回憶嘅校園，呢位小王子仲帶大家慢慢周圍逛，更指非常開心可以帶自己作品返母校。

朱仔同JW仲有嘉洛返到母校宣傳《痞子》
而嘉洛亦大受同學仔歡迎，沿途一直被大叫「金城安」，呢個《愛．回家》角色令全校小朋友都識，認真厲害，佢仲話直情令自己想生小朋友咁話。
嘉洛呢日全程都被大家叫佢「金城安」

雖然呢次係為宣傳，不過佢哋亦趁機會為眾同學上返堂生命教育課，同大家分享正向思考，JW亦特別以學生Look打扮出現。嘉洛同朱仔仲大讚JW講解由淺入深，非常吸引到同學。而嘉洛仲指自己年幼時屬於問題兒童，仲因唔同原因而成日轉校呀。

JW仲特別打扮以一身學生裝現身