莊思明慣嗌楊明「老公」親回秘婚傳聞 朱凱婷預告朱玲玲趙雅芝出席慈善晚宴

楊明日前度過44歲生日，女友莊思明（Lisa）送上寫住「老公豬豬」嘅生日蛋糕，其後傳出拍拖9年嘅楊明同Lisa疑秘婚，呢日Lisa現身慧妍雅集年度慈善晚宴記招，Lisa否認同楊明秘婚，只係私下習慣咁樣稱呼對方，笑指以後會注意吓。
莊思明回憑秘婚一事。

Lisa之前PO相被發現叫楊明做老公。
講到楊明之前講過今年有好消息會同大家公布，Lisa笑言每年楊明都話想嗰年公布，自己都習以為常，坦言二人有共識，唔係咁急去完成呢件事，Lisa知道身邊人好戥佢哋好肉緊，好開心大家咁鍾意佢哋喺埋一齊，多謝大家咁期望見到佢哋結到婚。
朱凱婷
而今屆會長朱凱婷話慧妍成員為咗呢個慈善晚宴好努力，希望籌到更多善款，仲預告幾位大家最愛嘅港姐，包括朱玲玲、趙雅芝等屆時都會出席；而慧妍秘書陳茵媺嘅老公陳豪仲會以公司名義贊助當晚抽獎環節。同場嘅陳懿德今次會擔任當晚司儀，主持經驗越嚟越豐富，佢期望今年有自己嘅節目，最想自肥邀請林峯做嘉賓。
陳懿德將擔任司儀。