啟德體育園開幕典禮台前陣容吸睛 幕後團隊親解葉麗儀「快閃」二度登場之謎

日前喺啟德主場館舉行「啟德體育園開幕典禮」上，台前陣容固然吸睛，幕後團隊同樣精彩，當中資深製作人 Silence（梁慧儀）擔任總策劃及總監製一職、資深監製 Joe （陳善之）以顧問身份參與盛事，當晚轉播版本出現小枝節，幕後團隊亦親解葉麗儀「快閃」二度登場之謎！

前喺啟德主場館舉行「啟德體育園開幕典禮」上，台前陣容固然吸睛，幕後團隊同樣精彩。

資深製作人Silence早於去年底便被邀請加入製作團隊，因開幕典禮喺啟德主場館舉行，除咗有歌手表演，仲必須要把體育、文化及娛樂三大主軸表現出嚟，開始接近三個月不分晝夜同各方代表開會；Silence指因啟德體育園鄰近九龍城寨，佢哋曾構思搵城寨四子做嘉賓，但劉俊謙喺外地有拍攝工作未能實現。

資深製作人Silence指因啟德體育園鄰近九龍城寨，佢哋曾構思搵城寨四子做嘉賓，但劉俊謙喺外地有拍攝工作未能實現。

資深製作人Silence又指前國家隊運動員林丹同蔡贇，與朱玲玲及葉蒨文對打羽毛球呢部份亦唔易安排。
Silence又指前國家隊運動員林丹同蔡贇，與朱玲玲及葉蒨文（Sally）對打羽毛球呢部份亦唔易安排，起初搵朱玲玲時，身在印度嘅朱玲玲因有6年冇打過羽毛球而婉拒，最後多番誠意邀請下，加上佢好友Sally有份參與，最後朱玲玲先首肯再度揮動羽毛球拍，Sally則為咗今次比賽特意練習三日，透過比賽錄像都睇到Sally苦練下嘅成果。Sally及後更同阿Lam林子祥喺台上載歌載舞表演《十分十二吋》，77歲阿Lam仍然中氣十足。

Sally同阿Lam喺台上載歌載舞表演《十分十二吋》，77歲阿Lam仍然中氣十足。

陳善之曾參與不少經典電影同大型演唱會製作，指今次在《獅子山下 • 華山論劍》前播出嘅片段，雖然只有短短分半鐘，但奧運冠軍Vivian江旻憓同甄子丹就分別喺拍攝前各自花咗唔少時間去練習詠春及重劍，子丹因之前人在英國，Vivian便安排佢嘅英國師姐幫子丹上咗好多堂學習，而子丹亦安排甄家班師傅由北京去香港教Vivian詠春。

奧運冠軍Vivian江旻憓同甄子丹就分別喺拍攝前各自花咗唔少時間去練習詠春及重劍。
子丹因之前人在英國，Vivian便安排佢嘅英國師姐幫子丹上咗好多堂學習。

資深製作人Silence稱今次開幕典禮最困難嘅地方並非係邀請嘉賓，或處理各單位想法同要求，最困難係整個節目喺電視台延播部分，佢解釋點解典禮唔做直播，原因係節目開首舞龍舞獅同嘉賓上台等儀式已佔據接近10分鐘時間，若果呢部份開始直播，恐怕令觀眾覺得冗長；另一原因係除咗本港4 間免費電視台轉播外，CCTV亦係其中一個轉播單位兼提供攝製隊拍攝全個開幕典禮，所以佢哋特別租借衞星去CCTV處收集所有畫面，再結合由工程單位提供台上聲音檔案後，先得到可以用作剪接延播節目用嘅母帶。

「啟德體育園開幕典禮」- 總策劃及總監製梁慧儀、顧問陳善之
資深製作人Silence解釋點解典禮唔做直播，原因係節目開首舞龍舞獅同嘉賓上台等儀式已佔據接近10分鐘時間。

當晚運動員表演打羽毛球後原定播出乒乓球表演，但轉播版本卻喺羽毛球表演後，出現歌手葉麗儀演唱《上海灘》，當葉麗儀唱出第一句「浪」字後，畫面又跳至乒乓球表演，令不少觀眾感到愕然，乒乓球表演後又再播葉麗儀完整唱歌片，令葉麗儀「快閃」二度登場。

轉播版本卻喺羽毛球表演後，出現歌手葉麗儀演唱《上海灘》，當葉麗儀唱出第一句「浪」字後，畫面又跳至乒乓球表演。
資深製作人Silence話因典禮喺晚上8點半先結束，而延播典禮喺9點半便開始，剪接過程真係好趕，佢更親解葉麗儀「快閃」二度登場之謎，稱加上延播中途有電腦發生故障，因此出現畫面不連貫嘅狀況，幸好好快便搶修成功，大家亦順利欣賞到經剪輯後嘅開幕典禮。