龍婷 王靜將演出鄧麗君紀念音樂會 靚聲獻唱金曲勾集體回憶

集結「中聲歌手」龍婷、《愛上鄧麗君》女主角王靜兩位靚聲之人嘅「永遠的鄧麗君30周年紀念慈善交響音樂會」將喺5月初開騷，「TVB鄰住買」提供優先訂票。大會表示舉辦呢場音樂會嘅目的係向億萬人民心中歌后、偶像表違敬意，傳承鄧麗君嘅音樂同精神，喚起社會集體回憶。
 龍婷
呢次音樂會集結兩位實力歌手，大家對擁有一把好聲音嘅龍婷肯定唔陌生，而另一位參演歌王靜亦同樣實力非凡，佢係中國原創音樂劇《愛上鄧麗君》嘅女主角，舉行超過300場國內演唱會，更曾奪得第五屆韓國大邱DIMF國際音樂劇節亞洲女主角音樂表演大獎。
 王靜
為音樂會演奏同其他表演者陣容強大，演奏單位就有榮獲多項國際獎項嘅香港青年愛樂樂團，而其他表演嘉賓就包括近百位受訓於維也纳兒童合唱團音樂學院嘅希望之聲少兒合唱團、榮獲第一屆香港國際合唱節金奬嘅愛樂紫荊女子合唱團，等等。表演當晚，大家定必為各位觀眾帶嚟極佳嘅視聽享受。
《永遠的鄧麗君30周年紀念慈善交響音樂會》海報