今屆DSE終於放榜,一眾考生都已經收到成績單,而 張崇德 同 劉美娟 嘅囝囝 張日希 亦係應屆考生,張崇德喺社交平台分享咗一張印有「5*」嘅成績單,再寫上『這幾個月來我一直問我個仔,「快要考DSE了,你怎麼不溫書、 整天都在看電影的呢?」他說:「識晒, 不用溫的了!」我說:「你再讀一下不是會好一點嗎?」他說:「再讀就會唔識!」這樣的對話重複了很多次, 我一直也有點懷疑, 怎可能不用溫書去準備考DSE的呢? 今天放榜了,原來他是對的, 他真的不用溫書的』。
已經高過媽咪嘅日希考到5*成績
張崇德喺社交平台分享喜訊
其實夫婦兩人曾經透露囝囝日希同囡囡日晴都患有罕見嘅「選擇性失語症」,曾一度喺學校唔出聲,令人誤會係無禮貌。仔仔日希病情就較妹妹嚴重,不過佢亦被診斷為高智商。兩兄妹經過父母悉心照顧,經已完全康復,如今見證日希取得佳績,相信係崇德同美娟最好嘅禮物。
早前考獲全班第一嘅Yumi朝旱亦已返學校領成績單
成績同樣不俗嘅Windy亦祝福同屆考生
同樣為應屆DSE考生嘅鍾柔美同詹天文,今朝一早都返學校拎成績單,佢哋分別喺社交平台為DSE考生打氣。