由謝霆鋒擔任動作指導及領銜主演,張學友、林嘉欣、劉雅瑟領銜主演嘅動作電影《海關戰線》喺多個國際級影展獲高度重視,而電影近日獲邀參展第23屆紐約亞洲電影節,霆鋒更獲最高榮譽——亞洲之星大獎。為隆重其事,霆鋒專程飛往紐約出席盛會。電影近日獲邀參展第23屆紐約亞洲電影節,霆鋒更獲最高榮譽——亞洲之星大獎。
專注打磨出好作品嘅霆鋒,呢次可以得到大獎,心情都相當興奮,佢表示:「我希望藉着呢個難得機會,令華語電影同世界接軌。動作電影係最冇障礙嘅一種身體語言,多年嚟香港電影可以風行全世界,主要都係因為呢個冇障礙嘅身體語言。」霆鋒亦認為,近年特技效果普及化,令大家好似變得倚賴特效,所以佢都希望憑借自己嘅電影作品向新一代去介紹香港動作電影。
霆鋒希望藉着呢個難得機會,令華語電影同世界接軌,又指動作電影係最冇障礙嘅一種身體語言,多年嚟香港電影可以風行全世界,主要都係因為呢個冇障礙嘅身體語言。
霆鋒一直以嚟除咗做演員,亦有參與唔同崗位同界別,不過佢就認為無論音樂、美食、電影,都是自己輸出創意嘅一個渠道!」至於未來會唔會考慮往導演位置出發?霆鋒就話暫時未有定案,因為唔同角色有不同嘅講故事方法,暫時自己喺電影之中,做得最多都係動作崗位。
為隆重其事,霆鋒專程飛往紐約出席盛會。
不過霆鋒一直在電影尋求突破,亦寄語各位追夢人:「一定要將你嘅真愛放入呢個事業上面,我已經放咗超過廿五年,而且打算一直繼續落去,每一日都希望做到最好。我諗冇一個人可以擺脫呢個命運,就係不斷練習、不斷尋求進步!」對於有記者問及,會唔會將「鋒味」帶到美國,霆鋒表示:「我當然想將鋒味帶到美國,但目前需要慢慢去籌備,希望未來去研發出唔同產品,帶到全世界!」