謝霆鋒王菲恩愛現身機場 手搭女友大腿展現常態

謝霆鋒同王菲自從喺2014年世紀復合之後，至今相愛十年，呢對姊弟戀雖然相差11年不被睇好，但事實上佢哋嘅感情有增無減，由最初愛得低調漸漸變成公開晒愛，不時被捕捉到出雙入對情景。喺8月23日王菲同霆鋒現身北京機場，兩人均以鍾情嘅便服look出行，阿菲身穿鮮紅色T襯上休閒褲，霆鋒則戴上CAP帽身穿白T，兩人打扮低調得嚟又好出眾，途人一眼就認出佢哋身影。

霆鋒同王菲近年不時公開現身

期間阿菲一馬當先登上機場嘅擺渡車，霆鋒則風度隨後跟上，期間吸引咗唔少途人圍觀影相，見阿菲仲揮一揮手，而去到等候登機時，兩人終於可以坐定定，霆鋒亦自然地將手搭到阿菲大腿上，展現平日相處嘅常態，表現恩愛。

今日未有拖手，不過一上車霆鋒就輕搭阿菲大脾

早喺今年2月底時，阿菲同霆鋒喺把臂同遊日本後返回北京時，同樣被人撞破，兩人毫不介意手拖手任影唔嬲，今次亦都唔例外。霆鋒早前忙於電影宣傳及為好友莫文蔚Karen後又去捧鄧紫棋G.E.M但無論工作幾繁忙都好，霆鋒點都會抽時間陪伴王菲，做盡男友情人嘅本份。