張敬軒重新演繹《幾分鐘的約會》 經典電影片段勾浪漫回憶

張敬軒早前為港鐵拍攝 45 周年廣告重新演繹《幾分鐘的約會》呢首經典之中嘅經典，軒仔喺站入面遊走睇見一幕幕唔同年代嘅港產經典電影，睇到好多站入面邂逅、相聚嘅溫馨小故事。

張敬軒早前為港鐵拍攝 45 周年廣告重新演繹《幾分鐘的約會》呢首經典。

廣告見軒仔經過月台嘅電視，重溫張國榮、張曼玉拍攝嘅電影《緣份》，二人喺車廂激吻，Do姐鄭裕玲、林子祥喺《三人世界》鬥嘴，二人仲孭住行添！緊接青澀嘅阿Sa蔡卓妍喺 《下一站天后》追夢嘅旅程，甚至喺輕鐵發生嘅《幻愛》，拍得非常有意境，軒仔話：｢睇返呢啲片段真係回味無窮，位位都星光熠熠，我有幸喺呢個廣告入面同佢哋同場出現。 ｣

Do姐鄭裕玲、林子祥喺《三人世界》鬥嘴。張國榮、張曼玉拍攝嘅電影《緣份》。阿Sa蔡卓妍喺 《下一站天后》追夢嘅旅程。

軒仔仲話電影同音樂呢啲流行文化就同大家嘅生活息息相關，所以車站、列車等成日出現喺呢啲作品入面。大家每日會搭車出出入入，車站甚至連接住商場同屋苑，由1979年通車到宜家，45年嚟港鐵就係咁陪伴住港人一齊成長。 軒公難得走入車站拍廣告，趁機參觀「打卡」，佢發現金鐘站設計新穎，仲話依家月台好大好靚，不時喺燈箱見到自己嘅廣告，覺得好有愛！
軒仔喺站入面遊走睇見一幕幕唔同年代嘅港產經典電影。