愛·回家之開速遞丨呂慧儀全程紀錄廣州宣傳 眾演員魅力逼爆商場

處境喜劇《愛·回家之開速遞》十幾位演員喺助理總經理（戲劇製作）曾勵珍同監製梁耀堅及林偉澄率領下，第二次去到廣州宣傳。長腳蟹呂慧儀全程拍片紀錄呢次行程，由電視城出發到廣州，無論台上台下，定起程回港，長腳蟹都全程紀錄低。
《愛回家之開心速遞》眾人由電視城出發。《愛回家之開心速遞》眾演員出發去廣州出席宣傳活動。

滕麗名、袁文傑、張景淳、林淑敏、許家傑、樊亦敏、何晉樂、歐瑞偉、李偉健、古佩玲、陳浚霆同呂慧儀一行十二人魅力非凡，佢哋未到活動商場，經已企滿劇迷同粉絲守候，佢哋除咗喺台上跟大家打招呼，當然有跟現場觀眾互動玩遊戲，氣氛非常熱鬥。
呂慧儀仲全程紀錄低！廣州活動會場勁多人！《愛回家之開心速遞》眾演員同廣州觀眾見面。左起：陳浚霆、古佩玲、樊亦敏、何晉樂。成班演員玩得好開心。何晉樂點解要擺呢個pose呢？阿滕個樣好迷惘。BB造型嘅KC好可愛呀！