許家傑獲獎喜出望外 為《愛·回家之開心速遞》停廠向觀眾派定心丸

曾經創業失敗嘅許家傑屢敗屢戰，呢次佢就因代理一款月餅，反應銷情好，令佢獲得獎項，許家傑非常喜出望外。呢日佢就同大小姐林淑敏出席頒獎禮。講到生意總投資額數字，家傑透露花足7位數。雖然家傑鍾意增值自己，不停進修同挑戰，但佢都話相信自己會做一世演員。 

雖然家傑鍾意增值自己，不停進修同挑戰，但佢都話相信自己會做一世演員。

講到演戲，《愛·回家之開心速遞》因停拍兩星期而令觀眾大為緊張，家傑呢日向大家大派定心丸，自己收到嘅消息係劇集休息完又會繼續開工。而佢透露早前公司行政主席許濤先生有開會同演員見面，親自解釋公司狀況，感謝許生令大家有一個交流機會。家傑大膽提出想法，希望公司可以為一眾藝人同事提供更多元培訓。 

許家傑獲得獎項，好友大小姐林淑敏亦有陪伴出席頒獎禮。

曾經創業失敗嘅許家傑屢敗屢戰，呢次佢就因代理一款月餅，反應銷情好。

本身家傑就想利用呢個空檔好好去旅行休息一下，點知撞正生意出貨期令計劃泡湯。不過家傑好開心有個小假期令佢一邊忙生意、一邊有時間休息一下。

講到演戲，《愛·回家之開心速遞》因停拍兩星期而令觀眾大為緊張，家傑呢日向大家大派定心丸。