陳秋霞新書分享母女情 收益全數捐作慈善用途

2024年對於陳秋霞嚟講係別具意義嘅一年，除咗係佢媽咪百歲冥壽，亦係佢入行50週年，為咗紀念呢個日子，佢決定推出新書分享同媽咪嘅情。
陳秋霞新書封面嘅相，原來有層特別意義。
書嘅封面秋霞姐就揀咗佢1977年勇奪《金馬獎》「最佳女主角奬」時嘅照片，原來相中所着嘅裙係佢媽咪親手做，秋霞姐話如果冇媽媽悉心栽培，自己係冇機會獲得呢個殊榮。而銷售收益將全數捐作慈善用途，當中50%會捐給「馬來西亞金獅百盛基金」，餘下50%會捐給「健康快車香港基金」。
陳秋霞同媽咪嘅關係好好。秋霞姐新書收益將捐作慈善用途。
秋霞姐憶述：「我兩年前已有這個想法為媽咪出一本書，要講述媽咪和我之間由過去，包括由小至大她如何栽培我，有些開心或不開心的小故事，我也會放在書內。」秋霞姐話好懷念媽咪喺台灣陪佢拍戲嘅日子，當佢結婚後，媽咪知道自己生病且不久於人世，而秋霞姐希望無論自己結婚後幾忙都好，都會盡量回港陪伴媽咪。新書內亦有提及秋霞姐常常喺媽咪最後幾年嘅時間喺醫院陪媽咪說話，閒時亦會幫佢按摩，呢段時間係佢同媽咪最親近嘅時刻，所以秋霞姐無時無刻都很掛念呢段日子。書中除咗分享母女情，秋霞姐亦有提及做人道理同埋與家人相處之道。
到而家秋霞姐都仲好掛住同媽媽相處嘅時光。陳秋霞年青時嘅照片。