佘詩曼收起女王氣場優雅現身 方媛遮肚影相惹第三胎疑雲

上海舉行一個高級珠寶品牌活動，邀請咗唔少紅星赴會，包括視后佘詩曼、內地頂流花旦迪麗熱巴，吳尊、內地人氣小生宋威龍、吳千語等，阿佘向來品味出眾，佢喺挑選珠寶方面都好有心得，欣賞一啲經得起時間考驗嘅設計，更難忘當年去瑞士讀書時朋友送咗一個珍珠書籤，到依家佢仲保留住，仲大讚個設計喺當年已經很時尚﹐經典設計一啲都唔過時。
方媛影相時有意冇意地遮肚。
同場亦有郭富城太太方媛，天王嫂一身粉紅公主晚裝現身，雖然城城早就否認生第三胎傳聞，但係方媛呢日不時將手放喺腹部，似係下意識想遮肚影相，唔知係為咗展示大會安排佢佩帶嘅珠寶，定係遮掩傳聞中嘅孕肚。雖然城城依家忙於為紅館演唱會閉關，但係方媛喺網上分享每張靚樣佢都有撳Like，可以話隔空關注太太工作晒恩愛。
作為品牌全球代言人嘅迪麗熱巴悉心打扮現身。
作為品牌全球代言人嘅迪麗熱巴悉心打扮現身﹐以粉紅晚裝配搭稀有嘅粉紅海螺珠配飾，盡顯高貴氣場。

吳千語