姚子羚與撞樣Nona合照 Avantgardey成員與星爺見面

憑住魔性舞蹈創下高人氣嘅日本跳舞女團Avantgardey，呢日現身香港出席一個娛樂平台簽約儀式，平時著開校服嘅Avantgardey，今次改以全新螢光綠色連身服，更添耀眼及新鮮感。

Avantgardey成員換上新制服現身活動

成員Nona之前一直俾人話同姚子羚撞樣，之前佢地喺香港表演，子羚就特登去捧場，仲同Nona嚟個孿生姊妹合照，做出趣奇表情，Nona都有感同子羚撞樣，並表示與對方真正見面後覺得兩人很相似，十足十雙胞胎一樣，下次若再有機會合照，希望以同一髮型就更加好。

子羚仲終於同被指撞樣嘅Nona「相認」

Nona除咗同子羚姐妹相認，早前佢仲同另外五位成員一齊同星爺周星馳見面，大家猜測佢地好有可能會演出星爺嘅新戲《少林女足》，而幾位成員都大讚星爺好親切，Sono指爺同佢哋交談好多說話，而佢哋本身亦好鍾意星爺嘅電影，欣賞咗好多套，見到好多表情好搞笑，佢哋都有話畀星爺聽對佢電影嘅熱愛，仲會邊睇邊學習，更大爆佢哋喺星爺面前表演時，星爺不斷大笑，又同佢哋起舞互動。