郭羨妮馬爾代夫賀50歲生日 胡杏兒孖老公玩騎膊馬曬家庭樂

44歲胡杏兒同老公Philip結婚9年，經歷四年抱三誕下三個兒子，分別係大仔李奕霆（Brendan）、二仔李奕霖（Ryan）及細仔李奕宏（Liam），性格強勢嘅杏兒未有選擇當上全職媽媽，反而為咗頭家經常到內地工作為事業打拼，不過杏兒對三個寶貝仔絕對愛護有加，只要一有時間就重返媽媽崗位，好珍惜陪伴住囝囝成長過程。

杏兒專登喺百忙中抽空同老公及三位兒子放暑假去馬爾代夫呢個世外桃源享受一下。

踏入暑假一段時間，杏兒專登喺百忙中抽空同老公及三位兒子放暑假去馬爾代夫呢個世外桃源享受一下，杏兒社交平台嘅相中可見三個囝囝真係玩得好開心，又有爸爸陪住踩單車、又食雪糕，真係大滿足！除咗小朋友之外，包到實嘅杏兒一樣好興奮，見佢童心未泯同老公玩騎膊馬，騷出白滑長腿，一家五口幸福美滿閃爆網民。

杏兒老公Philip盡情享受家庭樂！杏兒社交平台嘅相中可見三個囝囝真係玩得好開心。

杏兒早喺5年前曾同「胡說八道會」成員胡定欣、胡蓓蔚、黃智雯、姚子羚、李施嬅一齊飛去馬爾代夫旅行，陽光與海灘都不及姊妹派福利吸引，今次舊地重遊雖然變得保守，但幸福嘅光芒同樣耀眼。圈中好友鍾嘉欣、楊茜堯、姚子羚等留言叫杏兒一家玩得enjoy，大讚佢哋好sweet，更有網民話有多個女就更加好。

杏兒今次舊地重遊雖然變得保守，但幸福嘅光芒同樣耀眼。杏兒呢次做足防曬準備，陪寶貝仔玩餐飽。杏兒有子萬事足，暑假當然要陪家人!

而杏兒同屆港姐冠軍郭羨妮(Sonija)亦不約而同與老公同阿女去到馬爾代夫玩樂，雖然從社交平台所發放嘅片段中所見，Sonija嘅享受比較平淡，但有老公同阿女一同佢慶祝22號踏入50歲生日，同樣幸福滿瀉。

杏兒同屆港姐冠軍郭羨妮不約而同與老公同阿女去到馬爾代夫玩樂。Sonija嘅享受比較平淡，但有老公同阿女一同佢慶祝22號踏入50歲生日，同樣幸福滿瀉。