胡杏兒與寶貝仔整月餅迎接中秋 開學日湊仔返學後孖老公撐枱腳食早餐

小朋友放完暑假充足電，今日係莘莘學子開學嘅大日子，星爸星媽一朝早起身，開心放仔女返學，胡杏兒同老公Philip早上9點送咗阿仔返學，兩公婆就撐枱腳食早餐，杏兒唔使開工嘅日子，必定陪3個寶貝仔，之前一家五口出發去馬爾代夫旅行，即使一家人留喺香港，杏兒亦會為阿仔搜羅親子好去處。

杏兒一家五口出發去馬爾代夫旅行。胡杏兒同老公Philip早上9點送咗阿仔返學，兩公婆就撐枱腳食早餐。
杏兒今日喺IG上載多張整月餅迎接中秋嘅合照，原來早前佢同老公帶大仔李奕霆（Brendan）、二仔李奕霖（Ryan）同細仔李奕宏（Liam）參與一個月餅烘焙課程，眾人玩得相當開心，之後佢哋仲一齊喺屋企整咗更多月餅，因為三個寶貝仔想整嚟送畀自己嘅朋友仔炫耀一下。

杏兒今日喺IG上載多張整月餅迎接中秋嘅合照。老公Philip細心教阿仔一齊整。杏兒同阿仔都好期待整月餅！杏兒爆三個寶貝仔想整嚟送畀自己嘅朋友仔炫耀一下。杏兒教阿仔放月餅餡料。一家五口欣賞DIY嘅親子時光！大仔Brendan整咗貓貓月餅非常開心。