玲玲指點譚輝智蛇年大旺 Shiga盼三口旅行過年留港

仲有三個星期蛇年就嚟到，大家都係時候準備一吓迎接新一喇，呢日 譚輝智 就同 連詩雅 一齊出席商場嘅迎春活動，身為父母嘅FC同Shiga，呢日仲同小朋友齊齊佈置撼設，FC亦為現場賓客開口獻唱。

譚輝智、麥玲玲同連詩雅等出席商場嘅新春活動
FC又提到，一家人對儀式感非常注重，所以新年佈置屋企就一定唔少得，桃花更係必不可少，不過 麥玲玲 師傅就提醒多唔一定好，玲玲仲有幾樣小貼士醒大家，大家大掃除準備過年時就要注意喇。
Shiga同FC都係父母，呢日亦同小朋友齊齊佈置

FC同浩賢呢日亦把握機會請教師傅來年運程，而FC就似乎會旺到不得了，攞獎開騷都有機會喎。而屬猴嘅浩賢就有女貴人幫助，運程一樣唔錯。
玲玲師傅指輝智來年運勢大好

升呢首次以媽媽身份過年嘅Shiga，就提到希望帶埋BB一家三口出門旅行，不過小朋友實在太細，所以有一定困難，所以今年就一定會留港度歲喇。佢仲指每年都會同媽媽深夜勇闖年宵搶特價桃花，今年就可能會全家一齊出動咁話喇。