LISA派福利晒比堅尼照 入住馬爾代夫超豪私人別墅

呢幾日香港嘅天氣寒冷，天文台更一度發出霜凍警告，大家出街都包到成隻糭咁，不過身處馬爾代夫度假嘅BLACKPINK成員LISA，就日日沐浴喺陽光與海灘之中，日前佢仲大派福利，喺社交平台PO出多張比堅尼泳衣照，同大家分享當地嘅好天氣。
LISA大晒比堅尼照。
福利圖

呢次LISA去嘅係喺馬爾代夫北面Noonu Atool 嘅極豪私人別墅 Cheval Blanc Randheli，入住一晚最平都要四萬幾港幣。而今次LISA除咗喺當地享受日光浴外，佢仲分享咗同海豚嬉戲嘅片段、戴住草帽於當地踩單車嘅相，當然唔少得喺沙灘欣賞日落嘅美景啦！睇到唔少網民都實名羨慕呀！
LISA上載咗多張比堅尼照。LISA上載咗多張比堅尼照。仲同海豚一齊嬉戲。呢個日落超靚。喺當地踩單車。