myTV SUPER打造金庸劇展 洪七公劉丹憶拍檔翁美玲

為紀念金庸百年誕辰，myTV SUPER打造「俠之光影封面重繪myTV SUPER金庸劇展」，呢日開幕禮特意邀請到金庸劇中三雄，包括洪七公劉丹、又係黃藥師又係金毛獅王嘅駱應鈞、以及全冠清陳榮峻，數起曾經演過幾多套金庸劇集，三位前輩都話真係多到數唔晒。多次出演洪七公角色嘅丹爺适曾經參演過11套金庸劇集演出，喺記者會上重題呢啲角色時，令佢記憶重現。身邊嘅駱應鈞就話丹爺有洪七公一個咁勁嘅角色已經足夠。
myTV SUPER打造「俠之光影封面重繪myTV SUPER金庸劇展」。
展覽中除咗見到唔少道具，仲有大量珍貴劇照，其中包括一張丹爺同已故女星翁美玲嘅劇照，即刻勾起大家嘅回憶，丹爺亦不禁想起同翁美玲嘅合作，每次想起都個心好唔舒服。然而當年丹爺同翁美玲合作嘅經典劇集《天師執位》至今仍令觀眾好深刻。陳榮峻則憶起昔日拍劇06至30嘅時間，三人又大談當年拍劇開通宵接早班嘅經過。
劉丹當年演繹金庸筆下嘅洪七公。
為配合今次嘅劇展，myTV SUPER將為所有用戶獻上11部重製金庸劇嘅免費手機觀看服務，並以全新技術重新修復畫面，不過丹爺就似乎唔多想自己嘅樣太高清，因為睇到自己當時好後生，面上十分光滑，同現在皺皮好大對比，駱應鈞都話情願矇矇地仲好。
陳榮峻、駱應鈞同劉丹欣賞修復版嘅金庸劇集。
今次更請到八位本地畫師，為金庸經典劇集重新畫封面，而其中一位畫師大家都非常熟悉，就係愛回家嘅Terry李偉健，佢揀選咗當年由梁朝偉主演嘅《俠客行》，因為覺得有啲似古代版外星人故仔，風格好啱自己嘅兒童漫畫。