許光漢周遊列國被粉絲認出 拍韓劇與光洙合作過程非常緊張

台灣男神許光漢爆紅後不時四圍飛工作，呢日難得返台灣出席一個旅遊網站活動，光漢因為工作關係經常周遊列國，喺亞洲區擁有高知名度嘅佢，無論去到邊都遇到粉絲，曾試過行程中被粉絲認出要求合照，但佢以私人行程為由婉拒，希望向粉絲講聲唔好意思。
許光漢無論去到邊都遇到粉絲。
光漢有份參演嘅線上韓劇《無路可逃》即將播出，更即場騷咗幾句韓文展實力，聽落似模似樣。光漢今次喺韓國拍劇期間同好多實力派演員包括趙鎮雄、李光洙、劉宰明等合作，佢好榮幸呢啲大前輩毫無架子互動，雖然今次拍攝增進唔少寶貴經驗，但過程中的確令佢非常緊張。
許光漢有份參演嘅線上韓劇《無路可逃》即將播出。