許光漢傳出軍中食唔飽唔開心 傳軍方下令禁止女兵埋身

台灣男神 許光漢 喺20號無預警入伍當兵，令眾多許太心碎一地，不過即使人在軍營，關於佢嘅消息依然日日更新，最新消息就傳出光漢喺軍隊疑似因為食唔飽心情欠佳。事關有同光漢一齊當兵嘅同期喺社交平台出Post指，食飯時間見到光漢因為添唔到餸菜，疑似唔夠飽而唔開心。

許光漢雖然已入伍，不過新聞就依然冇停，最新係指佢食唔飽
對於光漢食唔飽嘅傳聞，軍方亦立即澄清，新兵訓練中心配餐係依個人所需份量供應，如果有役男唔夠飽，各中隊會開放役男添食，亦已經提醒供餐單位靈活調整飲食份量，確保役男膳食質量充足。另外仲話已向本人確認，光漢表示已經適應團體生活，所以食唔飽事件應該係誤傳。
軍方亦公開回應食唔飽傳聞

除咗食唔飽事件，光漢入伍後仲傳出「女兵追星偷看」等消息。軍方指「為避免干擾中隊作息及上課秩序，已及時通知營區指揮單位約束所轄軍職同仁」，等於間接承認事件。另外仲有自稱同光漢同房嘅阿兵哥話，光漢私底下幾幽默，又有人話光漢唔小心撞到人都會好有禮貌咁道歉，日日都有新消息傳出，證明光漢嘅高人氣。
男神高人氣到韓國都關注事件，軍隊亦出通告勸大家唔好追星

光漢嘅新兵訓練期共21日，預定8月29號後，會依個人專長以及意願甄選後續服勤機關同役別，9月9號就會去服勤單位報到，有傳光漢將會喺新北市教育局服役，不過消息尚未得到證實。