許光漢完成新兵訓練首度露面 面對享特權傳聞盼低調服役

男神許光漢上個月20號低調入伍，今日（6日）結束三個星期嘅新兵訓練，可以放假兩日，原定傍晚離營，由於佢喺軍中表現優異，包括內務整潔，又參加歌唱比賽得到第三名，所以得到六個鐘嘅榮譽假，可以提早於中午離營。今次係光漢低調入伍之後首度公開露面，所以吸引大批傳媒守候。

男神許光漢上個月20號低調入伍，今日結束三個星期嘅新兵訓練。
中午大約12點半，光漢戴住cap帽同口罩，著住灰T同黑色短褲，手上拎住大袋行李獨自步出，面對大批傳媒，光漢二度鞠躬致意，佢話自己心情平靜，希望可以低調當兵，多謝大家關心。之後喺經理人公司嘅工作人員陪同下坐上保母車離開。

雖然光漢選擇低調入伍，不過佢喺軍中嘅一舉一動依然頻頻佔據新聞版面。
雖然光漢選擇低調入伍，不過佢喺軍中嘅一舉一動依然頻頻佔據新聞版面，喺佢放假前夕又傳出光漢喺軍中享有特權，包括有獨立廁所、伙食好過其他同袍、唔使同大家一齊瞓通舖等，不過軍方就否認傳聞，表示光漢喺軍中行事低調，同其他人冇分別，亦同大家相處融洽。

今次係光漢低調入伍之後首度公開露面，所以吸引大批傳媒守候。
光漢結束新兵訓練後有兩日假期，須於8日夜晚6點前返回軍營，之後光漢會接受為期一週嘅專業訓練，9月13日就會去到替代役服勤單位報到。光漢已確定將會到公益大使團服役，未來一年佢會以公益大使身分，現身社福機構，為民眾巡迴演出歌舞、戲劇、魔術等節目。

光漢已確定將會到公益大使團服役，未來一年佢會以公益大使身分現身社福機構。