孝順女高海寧為媽咪賀壽 慶生相騷出六位數母女對錶

高海寧（高Ling）係圈中出名嘅孝順女，上年憑劇集《新聞女王》人氣扶搖直上，收入亦大增，近日高媽媽生日，高Ling除咗陪媽咪慶祝生日，仲同媽咪一齊戴上價值六位數字嘅同款名錶，出手非常闊綽。

高海寧係圈中出名嘅孝順女，上年憑劇集《新聞女王》人氣扶搖直上。

高Ling喺噚日喺社交平台po出一家人幫媽咪慶祝生日嘅合照，當中一張相，母女二人戴住同款名錶，相信喺高Ling送畀媽咪嘅生日禮物，高Ling仲寫到：「吃完長壽麵就要乖乖長命百歲啦！媽～生日快樂。」高Ling父母戴住同色系情侶眼鏡，高媽媽箍住紅色頭帶同紅色頸巾，笑容燦爛，睇得出心情非常好。

高Ling陪媽咪慶祝生日，仲同媽咪齊齊戴上要價六位數字嘅同款名錶。

高Ling喺噚日喺社交平台po出一家人幫媽咪慶祝生日嘅合照，當中一張相，母女二人戴住同款名錶，相信喺高Ling送畀媽咪嘅生日禮物，高Ling仲寫到：「吃完長壽麵就要乖乖長命百歲啦！媽～生日快樂。」高Ling父母戴住同色系情侶眼鏡，高媽媽箍住紅色頭帶同紅色頸巾，笑容燦爛，睇得出心情非常好。

高Ling見證父母不離不棄嘅愛情，亦都許願自己可以遇到靈魂契合嘅soulmate。早前高Ling仲帶埋父母作客內地節目《因為是朋友呀2》，喺節目中完成為父母補影婚相嘅心願。高Ling仲特別感謝容祖兒、阿嬌同阿Sa當日幫媽咪化妝，又教媽咪擺pose。