台星林柏昇興奮宣布細女出世 鍾欣潼前夫賴弘國成兩寶爸

恭喜恭喜！台灣藝人KID林柏昇 同 鍾欣潼前夫賴弘國 都分別喺社交平台公布喜訊，表示自己再度成為爸爸！

賴弘國轉發老婆Alice嘅限時動態，表示細女已平安出世。Alice與賴弘國。

先係被喻為「醫界王陽明」嘅賴弘國，喺9號轉發老婆Alice嘅限時動態，相中Alice抱住剛出世囡囡，除咗宣布細女平安出世外，仲講笑咁話因為麻醉藥太強勁嘅關係，生到一半時爭啲瞓着咗。
木木都有為媽媽加油。木木一齊喺醫院等妹妹出世。
而KID亦於10號喺社交平台宣布老婆Rita平安誕下第二胎，佢post出細女朵朵嘅出世片段，並喺帖文中寫道：「二零二四年十月十日十點十分十秒 地球上正式多了一位二寶爸！可能也會多了一位女兒傻瓜，木木準備開始逐漸失去父愛，老婆與老公的感情越來越淡，真正的濃情蜜意準備散播，我也不知道接下來會發生什麼誇張的事情，只知道現在一切都『好』。哈哈哈，我有女兒了啦！」
朵朵出世喇！KID全程紀念低朵朵出世嘅情況。
KID似乎對雙十有特別情意結，除咗去年特登喺雙十節補辦婚宴外，佢嘅大仔木木亦係於10時10分出生，而今次KID同Rita亦選擇於「2024年10月10日10點10分10秒」剖腹誕下朵朵。
朵朵喺 10月10號10點10分10秒出世。
朵朵OS：爸爸你禮貌嗎？