電影超人片場女工作人員開槍自殺 導演宣布停工為劇組提供心理輔導

美國超級英雄電影《超人》片場驚傳工作人員自殺事件！位於亞特蘭大嘅片場Trilith Studios，傳出有女性工作人員開槍自殺，陳屍於停車場嘅車內。
超人嘅男、女主角同導演。
事件發生喺美國時間24號，當地警方表示，24號上午接獲報案趕至片場，於停車場嘅車內發現遺體，死者係一名劇組女司機，死因係開槍自盡，現場證據顯示無他殺痕跡，初步調查亦同片場進行中嘅拍攝項目無關。
《超人》嘅拍攝片場。
事發時正值夜間，並非電影拍攝時間。而導演James Gunn得知事件後，第一時間宣布電影將暫停拍攝，並會為有需要嘅演員或者工作人員提供心理輔導。
超人導演James Gunn。
呢套新版《超人》由David Corenswet飾演超人，而佢嘅女朋友就由Rachel Brosnahan飾演，電影由今年2月份開拍，據知拍攝工作已經進入最後倒數，預計過多一個星期就會煞科，估唔到竟然喺臨尾發生憾事。