陳貝兒非洲拍攝《無窮4》 不忘睇雪花電視直擊奧運

陳貝兒（Janis）正喺非洲嘅馬達加斯加拍攝《無窮之路4》﹐佢繼續喺社交平台分享拍攝嘅花絮，雖然拍攝忙碌，但係收工後都有返酒店關注體壇盛事巴黎奧運，仲喺限時動態分享自己喺馬達加斯加睇奧運直播。

陳貝兒正喺非洲嘅馬達加斯加拍攝《無窮之路4》﹐佢繼續喺社交平台分享拍攝嘅花絮 。

相中見到電視有啲雪花，相信當地訊號設施有限，陳貝兒更形容喺馬達加斯加拍攝係一大挑戰，相信同當地嘅設備有限有關，仲記得2019年陳貝兒拍攝《嫁到這世界邊端3》到訪非洲嘅尼日利亞﹐訪問香港人妻Serena，當時人妻表示當時唔只當地係限時供水供電，更曾感染瘧疾，唔知係咪因為咁，陳貝兒都做足準備，部分拍攝見佢以長褲同長袖衫上陣。

陳貝兒收工後都有返酒店關注體壇盛事巴黎奧運。

雖然居住環境有點落後，但Janis大讚馬達加斯加嘅居民相當之親切，笑容更係佢哋共同嘅語言，有感而發留言: 「願你們 願我們，永遠保持最純真的微笑，在馬達加斯加拍攝，每日都充滿驚喜和啓發﹐期待節目播出時和你分享更多。」 

Janis大讚馬達加斯加嘅居民相當之親切，笑容更係佢哋共同嘅語言。

陳貝兒更形容喺馬達加斯加拍攝係一大挑戰，相信同當地嘅設備有限有關。