巴黎奧運國家隊代表團訪港 22名健兒與紀律部隊進行交流

全城熱切期待下，巴黎奧運國家隊代表團喺29號訪港，展開一連三日活動，當中22位健兒喺30號，就乘坐開篷巴士出席「巴黎2024奧運會內地奧運健兒訪港-紀律部隊交流日」。由活動主禮嘉賓保安局局長鄧炳強、警務處處長蕭澤頤等多名紀律部隊首長，一齊歡迎健兒同教練進場。
22位健兒坐開篷巴士出席「巴黎2024奧運會內地奧運健兒訪港-紀律部隊交流日」。
22位健兒分別代表田徑、拳擊、射擊、游泳、獨木舟、曲棍球、舉重、跳水、韻律泳乒乓球等，佢哋分組跟司儀區永權同朱凱婷傾談，以及跟青年團交流運動心得。其間Albert仲領教過女子拳擊金牌得主李倩嘅力度有幾震撼。
區永權同朱凱婷為活動擔任司儀。眾人於空地合照留念。
跟青年團作簡單運動心得交流後，健兒們聯同一眾嘉賓，分組進行拉車環節，合力拉動八個部門嘅特別用途車輛以及定翼機。活動結束後，一眾健兒仲親民跟嘉賓合照留念。Albert同Heidi都話好榮幸能夠主持活動，Albert話李倩事前有同佢講會打邊個部位，所以可以事先準備，Heidi就大讚三位韻律泳健兒，真人比上鏡更靚。
Albert領教女子拳擊金牌得主李倩嘅力度有幾震撼。乒乓球運動員以球拍以外嘅嘢嚟示範打乒乓波。