2024香港小姐競選丨3號王汛文奪友誼小姐 最上鏡小姐評審陣容曝光

《2024香港小姐競選》仲有11日就誕生各個獎項名單，大會喺4號公布「最上鏡小姐」評審陣容，包括現任「慧妍雅集」會長朱凱婷，以及四位港姐冠軍陳法蓉、翁嘉穗、劉倩婷同未有現身嘅曹敏莉。同時大會又公布由佳麗投票選出3號王汛文成為今屆「友誼小姐」。

大會公布由佳麗投票選出3號王汛文成為今屆「友誼小姐」。3號王汛文成今屆「友誼小姐」。

四位評審正式會見各位候選佳麗，朱凱婷話見過佳麗們真人，令佢加深印象，因為到比賽當晚，可以分辨到真人已經好靚，上咗鏡係咪更靚。劉倩婷指佳麗們精神狀態非常好、好淡定、好斯文，所以好期待比賽當晚，佢哋係咪一樣咁淡定。陳法蓉畀佳麗貼士就係，無論遇到咩情況都要笑，因為佢早前喺內地出席活動時，被經理人踩到裙尾，令佢差啲走光兼大叫咗一聲，但係佢立即定過神來保持笑容。

今屆「最上鏡小姐」評審陣容，包括陳法蓉、朱凱婷、劉倩婷、翁嘉穗及未有現身嘅曹敏莉。翁嘉穗話提醒咗老公，唔使咩問題都回答。

翁嘉穗丈夫鄔友正近期活躍於社交平台，更罕有回應網民提問關於25年前，同翁嘉穗及李明慧嘅感情糾紛，鄔生仲自爆想參加《中年好聲音3》，翁嘉穗指老公可能初玩社交平台而雀躍，已提醒老公不用任何事都回覆。對於老公想參加《中聲3》，佢話老公有時會講，但都視作講笑看待。

鄔友正 與 翁嘉穗