中年好聲音3丨韋綺姍擔心大魔王黃博發音鬧笑話 謝文雅為兩學員抱病上陣擔憂落淚

TVB歌唱真人騷《中年好聲音3》呢個星期日上演導師分組賽下半場，其中一場最精彩嘅對決，莫過於三隊同時派出精英選手演繹基仔金曲。
大魔王黃博。
韋綺姍嗰隊雖然手上有女大魔王黃博，但佢好擔心黃博嘅廣東話咬字唔正，憂發音鬧出笑話，第一句歌詞「999」就練咗好多日，黃博坦言廣東話好難，特別有啲字發音唔係太好；韋綺姍嗰隊仲有唱歌了得嘅劉洋，亦被執歌曲當中嘅細節，劉洋獲指導下收斂澎湃嘅唱功，要讓人覺得感動。郭偉倫直言自己唱法比較舊式，韋綺姍要每字每句同郭偉倫執唱法。
韋綺擔心黃博嘅廣東話咬字唔正，憂發音鬧出笑話。
謝文雅嗰隊有兩位學員善玥澄、李金凱抱病上陣，兩位學員都發燒失聲，導師謝文雅更擔憂落淚；其實導師教導選手都非常上心，好似谷婭溦嗰隊喺上半場因最低分，隊員蕭偉倫被淘汰，谷婭溦就相當激動為學員平反。
善玥澄、李金凱抱病上陣，二人均發燒失聲。
導師謝文雅更擔憂落淚。谷婭溦激動地為學員平反。