中年好聲音3丨劉洋獲選成首位MVP 善玥澄古裝造型嚇窒周國豐

音樂選秀節目《中年好聲音3》喺12號晚播出「導師分組賽」下半場賽事， 93分嘅劉洋 與 郭偉倫、92分嘅黃博 及 91分嘅張與辰 成為本回合嘅三甲；上下半場總分由導師韋綺姍帶領嘅紅組以 507 分領先，而導師谷婭溦帶領嘅藍組則以 486 分屈居第二，導師謝文雅帶領嘅藍組以 485 分排第三。
導師分組賽下半場賽事各隊成績。
本為動畫歌手嘅郭偉倫跳出「配音框框」表現獲讚，知道分數後激動落淚，與拍檔劉洋輪流同台下導師韋綺姍擁抱，評審周國豐讚郭偉倫進步不少：「Rita 老師加埋劉洋畀你嘅壓力，你今日唱得好穩，變咗要挑剔瑕疵確實係幾難，我曾經諗過係咪要畀 20 分你哋！」之後又形容劉洋如「大炮」般，唱功威力驚人。
郭偉倫跳出「配音框框」表現獲讚。
劉洋知道分數後，即同導師韋綺姍擁抱。

同為評審嘅劉美君亦讚劉洋組係表現最好嘅一組：「最攞到我個心，我覺得佢哋同我講緊嘢，係一個非常之成功嘅 performance。」劉洋更被劉美君選為 MVP，獲讚係表現最穩嘅選手。
劉洋成為MVP。
身為紅組導師兼資深音樂導師嘅韋綺姍，就話因為劉洋係個好有自己想法嘅選手， 所以最初佢都好擔心，但相處後先知對方好 cute，亦肯接受意見。
胡家健尤詩郡
按照賽制下半場及回合總結，評審共要淘汰兩名參賽者，二人為全場最低分嘅「綠組」成員尤詩郡及胡家健，佢哋獻唱嘅《會過去的》獲 74 分，表現強差人意，尤其尾段嘅同步對唱更遭劉美君狠批聽到哽耳，張佳添亦指呢首歌唔啱佢哋唱：「家健唔適合唱千禧歌，詩郡強項亦唔係廣東歌，但接咗好鬼難唱嘅千禧歌，點消化首歌係關鍵。」
善玥澄 同 李金凱帶病上陣。
尤詩郡被淘汰時感觸落淚，身為單親媽媽嘅佢既要工作，又要頻頻來港訓練兼比賽，絕對唔容易：「行到呢步已經好賺到！」令同樣身為人母嘅肥媽同車婉婉零舍感觸，雙雙被感動落淚，而現場亦有唔少參賽者都聽到眼濕濕。
善玥澄 嘅造型嚇親周國豐。
另外，「綠組」嘅善玥澄 同 李金凱合唱《1874》，雖然前者喺末段走音甩key，演出僅獲 84 分，不過由於二人都係抱病在身，所以整體演出可以有呢個水準都已經唔錯，連向來嚴謹嘅劉 美君都開口安慰善玥澄：「後尾先 crack 咗幾吓，一路都好好，唔好喊，I love you！」而肥媽同張佳添則對李金凱動人聲線大力讚賞，添 Sir 直言好鍾意李金凱嘅口音：「好特別，我係鍾意聽你啲口音，證明你唱歌個 mood 好識講故仔。」周國豐則被善玥澄嘅古裝look撐傘演繹嚇親，笑言似鬼故。
到底咩令張佳添O晒嘴？