周家怡求簽「愛情要放下過去」！ 校服look體驗日本出租男友重拾初戀感

由周家怡、李靖筠（Gladys）主持網上節目噚晚上架最新一集，Gladys「悉心」為久未拍拖嘅周家怡安排日本熱爆「出租男友」服務，讓周家怡著水手裝校服look，重拾初戀感覺咁話。

網上節目噚晚上架最新一集，Gladys「悉心」為久未拍拖嘅周家怡安排日本熱爆「出租男友」服務。

上集講到二人喺日本廟宇求簽，簽文指周家怡喺愛情方面「要放下過去，重新出發」，Gladys靈機一觸，暗地裏安排一位出租男友Narumi，Gladys先向Narumi起底，原來Narumi喜歡開心嘅女生、唔介意女生年紀比自己大、喜歡開車等，Gladys聽完後表示跟周家怡十分夾！

一日出租男友登場，周家怡露出尷尬而不失禮嘅笑容兼打招呼。

一切準備就緒，Gladys就同毫不知情嘅家怡先去餐廳醫肚，然後一日出租男友登場，周家怡露出尷尬而不失禮嘅笑容兼打招呼，周家怡了解事始末後，正打算跟「男友」出發拍拖，Gladys就話準備咗校服，周家怡聞言即大叫：「大佬，呢壇嘢，搞唔掂呀！」最後佢亦為節目犠牲。

男友Narumi主動拖住周家怡準備拍拖。

換完水手裝校服後，周家怡自嘲「臨老過唔到世咪我呢啲囉」，呢刻男友Narumi主動拖住周家怡準備拍拖，佢哋先去cafe，之後打機、影紙相、夾公仔等，又喺大阪慢步街頭，而且全程十指緊扣，期間周家怡乘機向「男友」了解「出租男友」呢個行業。

周家怡乘機向「男友」了解「出租男友」呢個行業。

周家怡分享呢兩小時嘅「拍拖」感受，先話自己好開心，又指好耐未試過、人生未試過咁尷尬，笑指仲係想保持單身一段時間：「我覺得我真係唔係好識拍拖啦已經。最尷尬係見到真嘅學生妹，真係好尷尬！因為佢哋望住我嘅眼神，猶如一種嘲諷，同有種『阿姐，你唔好搞啦。』咁樣嘅感覺，哈哈。」

周家怡分享呢兩小時嘅「拍拖」感受，笑指仲係想保持單身一段時間。