石修推廣新中年重投職場 與米雪拍大馬劇集讚製作水準高

石修呢日現身一個義剪活動，跟一眾老友記探討新中年重投職場途徑，石修認為年紀大係有好處，擁有豐富人生經驗，亦好識尊重人與人之間嘅關係，讓新中年重新再投入社會，令社會氣氛及動力更加強。
石修呢日出席義剪活動。
石修與米雪喺4月飛往馬來西亞拍攝當地製作嘅劇集，佢話整個合作過程好開心，製作水準非常高，佢又指劇本寫得好好，令拍出嚟成個氣氛、深度及層次都好好，仲讚導演拍攝手法夠特別。
石修早前去咗馬來西亞拍劇。
石修近日再飛大馬為劇集宣傳，呢趟旅程到訪特色榴槤店開眼界，石修感覺好似大牌檔食嘢咁，氣氛非常之好，佢大啖品嚐果王，仲拎咗好多個榴槤返港。