2024年度香港小姐丨三位佳麗首以泳裝示人 江美儀爆有佳麗放肆狂擦當地美食

江美儀、邵初聯同三位《2024年度香港小姐競選》嘅候選佳麗 1號陳紫佟、10號吳芷靖 同 13號程姜月嘅新加坡外景拍攝進行得如火如荼，三位候選佳麗着上三點式泳裝，去到當地嘅巴拉望海灘拍攝，首度着住泳裝面對鏡頭，三位佳麗難免有啲緊張，而江美儀同邵初都畀咗唔少意見佢哋。

港姐新加坡外景美儀姐同邵初仲有三位佳麗相處甚歡

13號程姜月就話自己首次着泳裝對住鏡頭，自己緊張到唔知啲手要點擺，而江美儀就透露自己喺節目中都有以泳裝上陣，叫大家拭目以待呀。

13號程姜月只自己緊張到手點擺都唔知

呢次外景佢哋仲去咗聖淘沙拍攝，體驗刺激嘅高空飛索，企喺空地睇住3位佳麗玩嘅江美儀，就話自己唔敢玩高空飛索，仲好佩服佢哋3個完全唔驚。

10號吳芷靖竟然唔忍口狂掃串燒

10號吳芷靖面對當地美食完全冇忍口，江美儀仲爆對方單係串燒都食咗一打，而吳芷靖都笑住話每日返到酒店都好內疚呀。而今屆參選佳麗中年紀最細、18歲嘅1號陳紫佟，個個對佢都照顧有加，江美儀仲幫佢整頭執妝，享受到團寵級待遇嘅佢就話好感恩喇。

1號陳紫佟因為年紀最細，所以就受盡大家嘅照顧喇