張惠妹上海站演唱會圓滿結束 與鼓手上演四手聯打嗨翻全場

張惠妹 aMEI 一連兩場嘅上海站演唱會於8號晚圓滿結束，而7號嘅頭場演唱會，更係aMEI人生日第400場演唱會，當佢知道呢個消息時都相當開心，仲多謝fans們多年嚟不離不棄嘅支持，呢晚aMEI火力全開一連演唱多首快歌後，佢揮汗笑說：「呼～好熱唷！希望我妝沒有花掉，我眉毛已經跑到另一邊去了。」瞬間令全場嗨翻。

張惠妹上海站嘅演唱會圓滿結束。

由於上海今年夏天氣溫比往年創新高，平均溫度都喺35度以上，舞台上嘅體感溫度更會飆破40度，所以首日aMEI熱到直接喺台上拎出毛巾擦汗，而五套演出服亦全濕透，佢仲同台下觀眾表示台上嘅燈光好熱，感覺台下會比較涼，問大家要唔要交換一下，畀大家上台感受一下。

上海天氣酷熱，張惠妹笑言要同觀眾換位，去台下唞涼。
而唱到連串跳唱舞曲時，aMEI就問在場嘅fans：「還有力氣嗎？」、「把所有的體力都給我～」、「明天還有力氣上班嗎？明天的事明天再說～」將氣氛推至最高點。去到Encore環節時，aMEI破天荒坐到鼓手席，除咗大騷鼓藝外，仲同鼓手嚟個「四手聯打」，令在場8萬觀眾尖叫不已。

張惠妹《aMEI ASMR世界巡迴演唱會》除咗喺北高巨蛋舉行一連20場演唱會外，之後仲會去到倫敦、拉斯維加斯、大西洋城、芝加哥、新加坡、吉隆坡、墨爾本、雪梨、日本武道館各地舉行共55場巡迴演唱會，而值得一提嘅係，自高雄站開始，巡視演唱會就升格成「狂歡版ASMR」，『禁止跳動』亦全面解禁，令演唱會更無拘無束、瘋狂到爆！