梁家輝一年內兩度嫁女將榮升外公！大女梁穎晨臨盆首晒大肚相：SURPRISE

梁家輝一年內先後嫁女，大女梁穎晨（Chloe）去年6月與拍拖9年嘅男友結婚，細女梁靜曦（Nikkie）今年初亦與外籍男友註冊， 早前梁家輝接受內地節目訪問透露就嚟做外公，不過佢未有講懷孕嘅係Chloe定係Nikkie！

大女Chloe去年6月與拍拖9年嘅男友結婚。

細女Nikkie今年初亦與外籍男友註冊。

今日大女Chloe終於喺IG貼出大肚相並表示臨盆在即：「SURPRISE! Coming soon！Can you guess if it’s a girl or boy?（驚喜！即將推出，你能猜出是女孩還是男孩嗎？）」不少人估佢陀男B。

今日大女Chloe終於喺IG貼出大肚相並表示臨盆在即。（IG圖片）

梁家輝一年內兩度嫁女講明恨抱孫，終於得償所願做外公；梁家輝結婚多年近乎零緋聞，孖女於1992年出生，當時正值佢事業搏殺期，為咗畀阿女更好生活，喺1992至1994年主演嘅電影多達27部，博命工作賺錢，連續3年冇同阿女見過一面，後來有空檔返屋企，發現孖女表現出好似見到陌生人咁驚，令佢決定抽更多時間陪伴家人。

梁家輝結婚多年近乎零緋聞，孖女於1992年出生，當時正值佢事業搏殺期，試過連續3年冇同阿女見過一面。梁家輝一向是愛家之人，出名愛錫老婆及一對孖女Chloe及Nikkie。一對孖女亭亭玉立，不時在社交平台大方分享靚相。