愷樂神隱四年突然分享已誕男B 罕有動怒鬧有人賣友求榮

台灣女星簡愷樂（蝴蝶姐姐）四年前因捲入羅志祥、周揚青感情風波而神隱，雖然不時有傳出其近況，甚至有指佢已婚兼已離婚，但愷樂一直未有開聲回應。直到近日，愷樂突然喺久未更新嘅社交平台分享一張BB嘅超聲波相，並撰文表示：「Hello 9月」。愷樂突然上水分享喜訊都令大家驚訝不已，亦紛紛對佢送上祝福。而愷樂隨後PO文直言：「謝謝你們，好感動。」感謝粉絲支持，同時附上愛心。
 愷樂（蝴蝶姐姐）日前post咗張超聲波相。
之但係喺愷樂出Po冇耐，就有人向傳媒爆料，愷樂所懷嘅係B女，即將喺下個月出世。面對連日爆料者嘅捕風捉影，愷樂亦罕見動怒澄清：「現在和前友人已許久未曾有任何聯繋，不知為何要一直爆料捏造假消息？也許想以此來，維繋與媒體間的交情，但需要用不實的內容來換取？賣友求榮和熱愛扮演受害者博關注同情的習慣要改一改，不然大概率會，對號入座跳出來大炒一波新聞求熱度。但很抱歉現階段的我照顧寶寶，連覺都沒時間睡，不會配合你，我先去照顧兒子了。」完美打臉爆料者，並透露B仔已經出世。不過愷樂回應完無幾耐，佢就將帖文嘅回應功能閉關。
愷樂留言反擊偽朋友。愷樂