霸總陳麒文成SEVEN TO EIGHT隊長 被隊員朴鎮佑讚似媽媽

於男團選秀節目出道嘅7人男團組合SEVEN TO EIGHT，呢日首次喺鬧市舉行簽唱會，見到咁多粉絲落力應援，心情緊張嘅7子就落力唱跳嚟回應大家。

SEVEN TO EIGHT日前舉行簽唱會，吸引大班Fans支持
一直以嚟成員陳麒文都有霸道總裁之稱，而呢日現場就正式宣布佢為SEVEN TO EIGHT嘅隊長，對於呢位新鮮出爐嘅隊長，成員們都一致讚好，話佢除咗敬業外，仲識管理，為人又成熟，可以鎮住咁多位隊員。而問到韓籍成員朴鎮佑會唔會驚陳麒文呢位隊長時，佢就一直望住對方唔出聲，搞到陳麒文要出言威嚇，朴鎮佑先笑住言唔會驚，仲話對方好友善，就好似媽媽咁，之後仲將頭貼緊陳麒文膊頭撒嬌，搞到一眾fans喂哇鬼叫呀。
呢日仲即場宣佈隊長誰屬

簽唱會呢日除咗有U:NUS嘅成員蔡承祐驚喜現身，為7子送上啞鈴，希望佢哋時刻保持最fit狀態外，25名人氣團員亦分組接力上台轟炸粉絲，令在場氣氛high到爆。